Anoetako Udalak ohiko osoko bilkura egingo du gaur, ekainak 30, arratsaldeko 19:00etan, udaletxeko bilkura aretoan. Gaurko saioak herriarentzat garrantzi handikoak diren hainbat gai potolo jasotzen ditu bere gai-zerrendan.

Aztertuko diren puntuen artean, honako hauek nabarmentzen dira:

  • Energia komunitateak: Anoetako Udala Ehnergia - Energia Komunitateen Sarean bazkide gisa integratzeko onespena bozkatuko da.

  • Alkartasuna taberna-jatetxea: Gaur egungo ustiapen kontratua adostasunez bertan behera uztea aztertuko da, eta, bide batez, zerbitzu emakida bidezko esleipen prozedura berriari hasiera emango zaio tabernak lanean jarrai dezan.

  • Euskara plana: AROA, Anoetan euskara indarberritzeko eta euskaldunok ahalduntzeko plan estrategikoa (2024-2034 epealdirako) onartzeko proposamena eramango da batzarrera.

  • Ekonomia eta mozioak: 2025eko aurrekontuaren likidazioaren berri emango da. Gainera, Foruen abolizioaren 150. urteurrena eta Alkateen Mugimenduaren 50. urteurrena direla eta, mozioen txanda irekiko da.

Bilkura irekia da eta herritar guztiak gonbidatuta daude saioa bertatik bertara jarraitzera.

đŸ‘‰ Gai-zerrenda osoa eta xehetasunak deskargatu ditzakezu hemen.