Laguntzen onuradun izango dira 2024-2025 ikasturtean edo, oro har, 2025ean zehar euskara ikasten aritu diren anoetarrak, bai euskaltegietan bai barnetegietan.
Eskaerak aurkezteko epea 2025eko azaroaren 30ean amaituko da. Eskabidearekin batera aurkeztu beharreko agiriak eta gainerako baldintzak deialdiko Oinarrietan daude jasota.
Interesdunek bi bide dituzte eskaera egiteko: Udaletxera bertaratzea edo Erregistro Elektronikoaren bidez izapidetzea. Udalak herritar guztiak animatzen ditu euskara ikasteko egindako ahalegina aitortzen duten laguntza hauek baliatzera.
