Lasarbe eremuko RA.A1 partzelan eraikiko diren 8 etxebizitza libre eta 18 etxebizitza tasatuen proiektua martxan jartzeko lehen prestaketa-lanak hasi dituzte dagoeneko. Obraren lehen fase honek urbanizazio-lan batzuk barne hartzen ditu, eta helburua da etxebizitzen eraikuntza-prozesua ahal bezain azkar eta egoki abiarazteko baldintza egokiak sortzea. Proiektu honek, gainera, etxebizitza eskuragarrien eskaintza handitzea eta auzoaren garapen urbanistiko ordenatua bultzatzea du helburu.
