Asteburu honetan Anoeta FT-ko bi talde nagusiek berebiziko partidak jokatuko dituzte, eta herritarren bultzada inoiz baino beharrezkoagoa izango dute Abraham Olano kiroldegian.

Alde batetik, gaur bertan, ostirala (maiatzak 8), 20:30ean, 2. mailako taldeak Ostiko izango du aurkari. Finalaurrekoetarako txartela ziurtatua badute ere, gaurko partida irabaztea funtsezkoa da: garaipenari esker, lehen mailara igotzeko partida etxean jokatzea lortuko lukete, gure zaleen aurrean.

Bestalde, igandean (maiatzak 10), 13:00etan, 1. mailako taldearen txanda izango da Goierri KE-ren aurka. Kasu honetan, Gipuzkoako Lurralde mailako kopako finalerdietara sailkatzea dute jokoan. Taldetik dei berezia egin dute harmailak 12:30erako beteta egon daitezen, beroketatik bertatik zaleen berotasuna sentitzeko.

Zatoz Abraham Olanora eta bultzatu ditzagun gure taldeak garaipenera!