Albisteak
Atzealdea
Hainbat tailer antolatu dituzte Anoetako eta Irurako gaztelekuetan
Martxoaren 6an izango dira tailerrak; izena emateko epea otsailaren 28an bukatuko da.
2021·02·19
Anoetako eta Irurako Gazteria sailek hainbat tailer antolatu dituzte martxoaren 8ari begira. Bi saio egingo dituzte: hilekoaren ingurukoa bata, eta maskulinitateari buruzkoa, bestea.
Lehena Anoetako eta Irurako Gaztelekuetako neskei dago bideratuta eta Anoetako Gaztelekuan egingo dute. Tailerra Veronica Satrustegik gidatuko du eta 16:30etatik 18:30etara iraungo du.
Bigarrena, berriz, Anoetako eta Irurako Gaztelekuetako mutilei zuzenduta dago eta Julen Rodriguez izango da saioko gidaria. Irurako Gaztelekuan izango da, hau ere 16:30etatik 18:30etara.
Bi tailerrak martxoaren 6an egingo dituzte eta izen-ematea bi Gaztelekuetan egin daiteke, otsailaren 28ra arte.