Anoetako Udala   

Udalak Gabonetako egitaraua argitaratu du eta hainbat motatako egitasmoak bildu ditu Anoetako haurrentzat eta nerabeentzat. Adinaren arabera eman daiteke izena:

• Antzerkia abenduaren 27an izango da, 10:30etatik 12:30etara, Mikelasagasti auditorioan; LH3 eta LH4 mailetakoei dago zuzenduta.
• Zirkoa abenduaren 29an egingo dute, 10:30etatik 12:30etara, kiroldegian; LH1 eta LH2 mailetakoei dago zuzenduta.
• Bubbleballs abenduaren 30ean izango da, kiroldegian; LH5 mailakoek 10:00etatik 11:30etara egingo dute, eta LH6 mailakoek, berriz, 11:30etatik 13:00etara.
• Ezkutalekuak (esperimentazio-lantegia) urtarrilaren 3an egingo dute, Gaztelekuan; HH1 mailakoak 11:00etatik 12:00etara izango dute aukera, HH2 mailakoek, berriz, 16:00etatik 17:00etara, eta, azkenik, HH3koek 18:00etatik 19:00etara.

Dagoeneko zabalik da izena emateko epea, eta azken eguna abenduaren 22a izango da. Izenpetzea Anoetako Herri Ikastolan egin beharko da eta 3 euroko prezioa izango du (justu eraman beharko da, izena ematean ordaintzeko).

Horiez gain beste hainbat ekitaldi ere izango dira Gabonetan, egitaraua osorik ikusteko egin klik hemen.