Anoetako Udala   

Maiatza borrokan egitaraua antolatu du Tolosaldea Sahararekin elkarteak. Eskualdeko hainbat herritan antolatu dituzte ekimenak, eta Anoetan ostiralean (maiatzaren 13an) izango dira. Bubisher proiektua eta Saharako kabiak proiektuaren aurkezpena egingo dute udaletxean, 19:00etan. 

Errefuxiatu kanpamenduetan liburutegiak bultzatzeko proiektua da, eta Maite Ramosek, Kabia proiektuko kideak, aurkeztuko du. Hitzaldia euskaraz izango da.