Ayuntamiento de Anoeta  

Anoetan estalpe baten beharra ote dugun hausnartzeko partaidetza prozesua jarriko du martxan Udalak urrian.

Prozesuan zehar hainbat galderari eman nahi diogu erantzuna:

- Zeintzuk dira gaur egun estalita dauden guneak?

- Zeintzuk dira gune horien ezaugarriak?

- Zein da gaur egun ematen zaien erabilera?

- Nortzuk erabiltzen dituzte?

- Norentzat behar da estalpe bat?

- Zein erabilera eman nahi diogu?

- Ze estalpe mota nahi dugu?

- Zertarako?

- Non jarri nahi dugu?

- Estalpe bat egiteak zer ekarriko dio herriari?

Honetaz hausnartzeko hiru bilera egingo ditugu:

- Urriaren 27an, 11:00etatik 13:00etara udaletxeko pleno aretoan: Gune estalien kokapen eta erabilerari buruz mintzatuko gara.

- Azaroan (eguna zehaztuko da): Balizko estalpe berriak izan beharko lituzkeen ezaugarri eta kokapenaren inguruko eztabaida.

- Azaroan (eguna zehaztuko da): Aukeran dauden proiektu/ideia desberdinen artean erabakitzeko lansaioa.

Ahalik eta parte-hartzaile gehien egotea komeni da, hausnarketa eta emaitza aberasgarriagoak izan daitezen herriarentzat. Animatu zaitez bileretan parte hartzera edo interneten zure proposamena egitera!