Noticias
Atrás

Anoetako ostalariak zabor- eta terraza-tasak ordaintzetik salbuetsi ditu Udalak

Udalak eta ostalariek otsail hasieran egin zuten bilera eta bertan iritsi ziren tasen murrizketaren akordiora.

24·02·2021


Covid-19agatik sortutako egoerak zuzenean eragin die tabernariei ere. Anoetako Udalak ez du eskumenik hainbat alorretan, baina berak kudeatzen dituen zergei dagokienez, hainbat neurri hartu ditu ostalariek jasan duten kaltea ahalik eta gehien arintzea helburu: Anoetako tabernek aurten ez dute zabor- eta terraza-tasarik ordaindu beharko.

Udalak eta ostalariek otsail hasieran egin zuten bilera eta bertan iritsi ziren tasen murrizketaren akordiora. Pello Estanga alkatearen iritziz, egoera hau gaindituko badugu, beharrezkoa da gertuko komunitatea indartzea: “Ostalaritza osasuntsu batek herria bizirik mantentzea dakar. Covid-19a mehatxu bat da guztion osasunarentzat, baina garrantzitsua da herri-bizitza zaintzea ere”.